Electrum

Գործառույթներ

• Երկգործոն նույնականացում

  Երկգործոն նույնականացումը (2FA) Ձեր դրամապանակին հավելյալ անվտանգություն ավելացնելու միջոց է: Առաջին «գործոնը» Ձեր դրամապանակի գաղտնաբառն է: Երկրորդ «գործոնը» տեքստային հաղորդագրության կամ բջջային սարքի հավելվածից ստացված հաստատման կոդն է: Երկգործոն նույնականացումը իմաստայնորեն նման է թոկեն անվտանգության սարքին, որը որոշ երկրներում բանկերը պահանջում են ինտերնետ բանկինգի համար: Վերջինիս դեպքում հավանական է, որ տվյալ ծառայությունը մատուցելու համար լինի վստահված երրորդ կողմի հասանելիության անհրաժեշտություն։
• Bech32

  Bech32-ն հասցեի հատուկ ձևաչափ է, որը հնարավոր է դարձել SegWit-ի շնորհիվ (հավելյալ տեղեկության համար տես՝ SegWit-ի գործառույթների նկարագրությունը): Այս հասցեի ձևաչափը նաև հայտնի է որպես «bc1 հասցեներ»: Որոշ Բիթքոյն դրամապանակներ և ծառայություններ դեռ համատեղելի չեն դեպի Bech32 հասցեներ միջոցներ ուղարկելու կամ Bech32 հասցեներից միջոցներ ստանալու գործառույթի հետ։
• Ֆիզիկական (սարքային ապահովման) դրամապանակ

  Որոշ դրամապանակներ, բացի ֆիզիկական (սարքային ապահովման) դրամապանակին ուղարկելու հնարավորությունից, կարող են կապակցվել և միանալ դրանց: Թեև գրեթե բոլոր դրամապանակները կարող են ուղարկել ֆիզիկական (սարքային ապահովման) դրամապանակին, մեկի հետ կապակցվելու հնարավորությունը եզակի գործառույթ է։ Այս գործառույթը թույլ է տալիս դրամական միջոցներ ուղարկել և ստանալ անմիջապես ֆիզիկական (սարքային ապահովման) դրամապանակից։
• Հնաժառանգ հասցեներ (Legacy Addresses)

  Դրամապանակներից շատերը հնարավորություն ունեն միջոցներ ուղարկել և ստանալ Բիթքոյնի հնաժառանգ հասցեներով: Հնաժառանգ հասցեները սկսվում են 1-ով կամ 3-ով (ի տարբերություն bc1-ով սկսվող հասցեների): Առանց հնաժառանգ հասցեի հետ համատեղելիության, Դուք չեք կարող ստանալ բիթքոյն հին դրամապանակներից կամ փոխանակումներից:
• Կայծակնային

  Որոշ դրամապանակներ համատեղելի են Կայծակնային ցանցում գործառնությունների հետ: Կայծակնային ցանցը նոր է և որոշ չափով փորձնական: Այն բիթքոյնի փոխանցումների հետ համատեղելի է առանց բլոկների շղթայի վրա յուրաքանչյուր գործառնությունը գրանցելու, որը հանգեցնում է գործառնությունների ավելի արագ իրականացման և ավելի ցածր վճարների:
• Բազմաստորագրություն

  Որոշ դրամապանակներ կարող են պահանջել մեկից ավելի բանալի՝ գործառնությունը թույլատրելու համար: Սա կարող է կիրառվել պատասխանատվությունը և վերահսկողությունը մի քանի կողմերի միջև բաժանելու համար:
• SegWit (Segregated Witness, բառացի՝ առանձնացված վկա)

  Որոշ դրամապանակներ համատեղելի են SegWit-ի հետ, որն ավելի արդյունավետ է օգտագործում բլոկների շղթայի ծավալը: Սա օգնում է նվազեցնել վճարները՝ նպաստելով Բիթքոյնի ցանցի մասշտաբավորմանը և հիմք է դնում երկրորդ շերտով լուծումների համար, ինչպիսին Կայծակնային ցանցն է։